秋高氣爽 租單車遊東京

text: Joyce | photo: 網上圖片


大家都知遊東京,其實公共交通工具車費唔算平,如果大家識踩單車的話,不妨趁秋高氣爽,諗諗租部單車响東京穿越大街小巷。其實東京可租單車的地方不少,想小試牛刀踩一兩個鐘又得,踩足成日周遊多區又得,既可以慳番少少交通費,又玩得瀟灑有型,影相拍片放上 instagram 應該又賺到唔少 Like,值得試吓!不過租單車時通常要出示有相片的身份證明文件,記得帶 passport 呀!


十月起新宿有得租單車

若果之前已經有留意開東京租單車的話,應該知道有 Docomo Community Cycle 這個計劃, 由 2014 年 10 月起於千代田區試行,後陸續在中央區、港區、江東區推行,而剛剛在 10 月 1 日起,更加入新宿區。使用者只要在網上登記後,便可在各個單車站用密碼取車,跨區借還車都無問題。費用則可按日或按月計算,最抵當然是 2,000 日圓一個月任踩啦!


【info】
自転車シェアリング
費用:一日1,500 日圓(約 112 港元)另加稅

網址:http://docomo-cycle.jp/tokyo-project/tw_index.html



台東區平租單車

東京人支持踩單車,到達咗連區役所都有提供租單車服務。好似上野及淺草所在的台東區,區內就有 4 個單車停車場有得租單車,唔使畀按金之餘,租金仲相當抵, 4 小時只係 200 日圓(約 15 港元)、租 7 日都係 1,200 日圓(約  90 港元),啱晒單車友平遊東京。


【info】
台東區租單車
位置:隅田公園自転車駐車場、新御徒町駅自転車駐車場、仲御徒町駅自転車駐車場、つくばエクスプレス浅草駅南自転車駐車場(地址及地圖請瀏覽下面網頁)
租車處開放時間:租車----6am-8pm(若只租 4 小時,最後租車時間為 4:20pm)、還車------6am-8:30pm
收費:4 小時 200 日圓(約 15 港元)、一日 300 日圓(約 22 港元)、3 日 600 日圓(約 45 港元)、7 日 1,200 日圓(約 90 港元),若遲還車另加罰款,請參考網頁
網址:www.city.taito.lg.jp/index/kurashi/kotsu/jitensha/rental.html



無印良品都有得租單車

無錯,想踩無印良品單車,可以到無印良品有樂町店租車,一日租金 1,000 日圓(約 74 港元,未連稅),另要繳交保證金 3,000 日圓(約 222 港元)。



【info】

無印良品
地址:〒100-0005 千代田區丸の内 3-8-3インフォス有楽町1-3F
電話:+81(0)3 5208 8241 
租出單車時間:10am-8pm(6pm 為最後租車時間)
交通:JR山手線・京浜東北線有楽町駅或東京 Metro有楽町線有楽町駅 
網址:www.muji.net/shop/service/



幫襯 CAFE 免費借單車 

如果你只不過諗住試吓踩一兩個鐘頭,其實可以唔使錢-----在澀谷區的 Pillar Cafe 推出免費借單車畀客人的計劃,前提,當然係你要有幫襯,而借用時間視乎幫襯金額------惠顧 500 日圓(約 37 港元)以上可借 1 小時、1,000 日圓(約 74 港元)以上可借 1 至 3 小時、2,000 日圓(約 148港元)以上可借 3 至 5 小時、3,000 日圓(約 222 港元)以上可借 5 小時,不過借車要放低 2,000 日圓保證金,單車可預約。


【info】

Pillar Cafe(ピラーカフェ)
地址:〒150-0011 澀谷區東 2-22-3 イ-ストプラス 1F
電話:+81(0)3 6450 5406
營業時間:平日12-3pm、5pm-12am、周六 11am-12am、周日及公眾假期 11am-10pm
交通:JR渋谷駅新南口徒步5分鐘或 JR恵比寿駅徒步 12 分鐘

網址:http://pillar-cafe.net/rent-a-cycle/



神宮外苑假日免費踩單車

原來神宮外苑外圍,有條長 1.2 公里的單車徑,只在星期日及日本公眾假期開放,而開放當日,現場有約 350 部免費單車可借用(不過講明不可踩到其他地方),當中連小童單車都有,啱晒親子遊。當然你也可自攜單車到場,不過落雨就會暫停開放,遲少少神宮外苑的銀杏樹變金黃色,踩住單車賞秋色,真係爽呀!






【info】
神宮外苑單車徑
開放及借單車時間:星期日及日本公眾假期 9:30am-3:30pm 
交通:JR総武線信濃町駅徒步約 10 分鐘或都営地下鉄大江戸線国立競技場駅徒步約 5 分鐘
網址:www.j-cycling.org/jingu.html




U may also interest