Mark 實日子 搶購人氣奶黃月餅!

港人大愛奶黃月餅,好食、出名嘅人氣店真係供不應求,名店如嘉麟樓出品更是一盒難求。踏入 8 月,奶黃月餅忠粉又係時候出動撲月啦!即刻 mark 低以下日子掃貨 ~


名牌 No.1  [嘉麟樓]

半島酒店最出名的奶黃月餅,出自中菜廳嘉麟樓,迷你奶黃月餅糅合傳統餅食製作與西方糕餅技術,入口酥代,奶黃甜香剛好。每年限量推出,一開賣,即引起全城搶購,絕對一盒難求。

今年嘉麟樓的迷你奶黃月餅只接受網上預訂,由 8 月 21 至 23 日 (一連三日) 於半島酒店集團官方網站 (http://mooncake.peninsula.com) 接受預訂,網站每天上午 8 時起接受訂購,每次訂購上限最多 20 盒,售罄即止。已訂購的顧客可於 9 月 6 日至 10 月 3 日於半島酒店領取月餅券,亦可於 9 月 13 日至 10 月 4 日期間領取月餅。雖然 $520/ 盒 (8 個) 真係好貴,但依然追捧者眾。

嘉麟樓月餅 $520


【Info】

半島酒店嘉麟樓

查詢︰2696 6828


奶黃香濃 [九龍酒店]

由於九龍酒店 2005 年以前跟半島酒店同屬香港上海大酒店集團,因此早期兩酒店店中菜廳的奶黃月餅使用的是同一配方,就算後來兩間酒店分家,九龍酒店的奶黃月餅依然好口碑。

酒店的迷你酥皮奶黃月餅現已接受預訂,可登入http://eshop.harbour-plaza.com/kowloonhotel 網上訂購月餅,並於 8 月 28 日至 10 月 3 日取貨。現在訂購還可享 early bird 價 $258 呢!

「迷你酥皮奶黃月餅」 $258 / 盒 (一盒 8 個,原 $368)


【Info】

九龍酒店

查詢︰2734 3840  


元老配方  [望月]

望月品牌成立 6 年,一開始由半島酒店早期開發奶黃月餅的師傅之一葉潤發師傅主理,因而聲名大噪。雖然今年葉師傅已經離開公司,但望月沿用其「酥皮奶黃月餅」配方,加上標榜月餅都是取貨前一天焗製及包裝,出品依然有保證。

望月的奶黃月餅已接受網上預訂 https://www.wangyue.com.hk/pages/2017-preorder,客人可於 9 月 13 日至 10 月 3 日取貨。

酥皮奶黃月餅 $238  (原價 $288)


【Info】

望月

查詢︰2386 7666

取餅可於門市領取,門市設於銅鑼灣地帶、佐敦恆豐中心等地點


新晉品牌  [天澄]

天澄品牌以往只做少量月餅供品牌酒樓天澄閣中菜廳售賣,去年開始大量製作,更邀得另一嘉麟樓月餅團隊的劉小明師傅主理,去年口碑銷情俱不錯。他們同樣標榜月餅係手搓,奶黃香滑富淡淡椰香。今年預計會推出約 6,000 盒,現已接受預訂,惟需親臨品牌門市購買禮券,可於 9 月 23 日至 10 月 2 日換領。

酥皮奶黃月餅  優先價 $206/ 盒 (6 件) (原價 $268)


【Info】

馬鞍山 Casa bakery // 沙田馬鞍山鞍駿街29號海澄軒海景酒店地下 1 號店 // 3158 2142

馬鞍山天澄閣 // 沙田馬鞍山鞍駿街29號海澄軒海景酒店地下// 2121 2298

紅磡灣天澄閣 // 紅磡灣紅樂道12號海韻軒海景酒店3樓// 2121 2217

銅鑼灣南華閣 // 銅鑼灣加路連山道88號南華體育中心UB & B層 // 5264 4820


分段預售人氣流心奶黃月  [美心]

流心熱帶動下,美心月餅近年推出的流心奶黃月餅同樣是一盒難求。今年已分別於 7 月、8 月頭推出月餅券,差不多開賣當日已經售罄,十分誇張。其流心月餅標榜不用叮,切開已有奶黃流出,奶黃香滿滿。想買嘅朋友,可能要留意他們的FACEBOOK預告下一次月餅券開賣日期!

流心奶黃月餅 原價$349


【Info】

各美心西餅有售




U may also interest